Martxoaren 4an izango den bista orala eta abian den epaiketaren harira atxikimenduak biltzen gabiltza. Hona hemen testua; irakurri, zabaldu eta nahi izatekotan bidali ezazue atxikimendua bomokupazioa@gmail.com - era.
elkartzenen oharra

BI HILABETE, HAMAIKA AMETS ETA HOGEI BIZI PROIEKTU.

Duela bi hilabete, Abenduaren 28an, Alde Zaharrean kokaturiko Erribera kaleko 4. eta 5. zenbakietako eraikina okupatu genuen. Berau, etxebizitza eskubidearen bermatze bidean eman beharreko pausotzat hartu genuen hasieratik. Orduz geroztik, berriketa lanak burutu ditugu eraikin osoan, fatxada garbitu eta margoztu, barruko patioa atondu, logelak zein gune komunak erabilgarri ipini,…

(gehiago…)

Goizean Zipaioen furgoneta bat agertu, bertan zeuden hainbat pertsona identifikatu eta ondoren alde egin dute. Gaztetxean hainbat kide erresistitzen jarraitzen dute.

Adi hurrengo berrietara.

OLABEAGATIK EZ DIRA PASAKO!!!

Informazio gehiago irolan

Pasa den otsailak 14 bezala, berriro ere, otsailaren 27an, Olabeagako gaztetxea desalojatzen saiatuko dira. Gogorarazi nahi  dizuegu lehenengo desalojo saiakera porrot egin zuela eta horregatik, deia zabaldu nahi dugu berriz ere gazte guztioi gaztetxera hurbiltzeko asteazkenean goizeko 8,30tan.

Al igual que el 14 de febrero, el 27 de este mismo mes tratarán de desalojar el gaztetxe de Olabeaga. Queremos recordar, que aquel pimer intento les salió mal, y por eso llamamos otra vez a la gente a que acuda el miércoles a las 8,30 de la mañana para parar de nuevo el desalojo.

OLABEAGAKO GAZTETXEA INOIZ BAINO BIZIAGO!!.

Arratsaldean lagun batzuek berriz sartu dira gaztetxera eta bertan diraute. Bitartean 500 pertsona baino gehiagok kalejira errebeindikatiboa burutu dugu auzoan zehar desalojoa salatuz. Ekimena gaztetxe plazan bukatu da asanblada informatibo batekin eta 7 Katun dirauten kideei babesa emanez.

Larunbatean, arratsaldeko 20:00etan, manifestaldia burutuko dugu plaza biribiletik abiatuta.

Gaztetxeen defentsan… denok kalera!!!
Informazio gehiago: indymedian, Xirikan eta Gaztesarean

Bideoa Eitb-n

Goizaldeko 8:45etan zipaioak eta munipak gaztetxea desalojatzera joan dira. Beranduago suhiltzaileak ere agertu dira bertatik. Barruan gaztetxeko kide bat egon da erresistitzen eta denbora luzez sartzen saiatzen egon ondoren (atea bota dute), pertsona identifikatu, zerraila aldatu eta gaztetxea desalojatutzat eman dute. Ondoren, zipaioak Ronda kalean bildute zegoen gazte piloaren kontra oldartu eta karga bortitza burutu dute. Ondorioz, gazte ugari zaurituak suertatu dira, batek ospitalean jarraitzen duelarik.

Danon babesa eta laguntza behar da, erresistentzia garaia da, danok Zazpi Katura!!

19:30etan mania Santiagotik

Gaztetxeak defenda ditzagun!!!

12:00etatik aurrera, etxeko azpiegiturari azken ukituak eman nahian, eta bizi proiektuak bere osotasunean burutzeko beharrak eraman gaitu lan egun hau prestatzera. Era berean, jende gehiago aipatu proiektuan murgiltzera deitzen dugu, giro ezin hobean bizitzako hainbat alorretan pertsona ezberdinekin harremanetan sartzeko, etxebizitzaren eskubidearen borrokan urrats garrantzitsua gorpuzten dugularik. Egunean zehar, margotzeko eta garbitzeko parada izango dugu besteak beste, jan, edan eta azkenik, 18:00etan egoera ezberdinen berri emateko aprobetxatuko dugu, asanblada ireki batera gonbidatuz. Danok erriberara!

Orain da garaia…
OKUPAZIOA ETA ERRESISTENTZIA!!

BOM - Erriberako etxe okupatua.